My Little Poem Factory: အရေးပေါ် လူနာ

ကောင်မလေးရေ...
သေရေးရှင်ရေးကို လေပြည်ထိုးလို့ မရဘူးကွယ့်
ရင်ထဲက မီးတောက်ကို ငြိမ်းဖို့
သမုဒ်ဒ္ဒရာ ဘယ်နှစ်စင်းလောက် လိုအပ်မှာလဲ...။

မနက်တိုင်း
ကော်ဖီပူပူတွေ လောင်းထည့်နေရတဲ့ ငါ့ ရင်ဘတ်ကို
နင်ဖတ်ကြည့်ဖို့ အရေးတကြီး လိုအပ်နေပြီကွယ့်
ဘာသာပြန်ရခက်တဲ့ မျက်ဝန်းတစ်စုံ အတွက်
ကျောင်းတက်ချိန်တွေကို
သေတပန်သက်တစ်ဆုံး ငါမုန်းနေမိတော့မယ် ။

မျက်ဝန်းလေး တ၀င့်ဝင့်နဲ့
နင့် အကြည့်တွေ ရွာလာမယ် အချိန်ကို စောင့်မျှော်ရင်း
လရောင်တွေပဲ လင်းလက် လေမလား...
မိုးမှောင်တွေပဲ ကျလာ လေမလား...
စိုးရိမ်စိတ်တွေပဲ တောထ လာတယ် ။
သေချာပါတယ်...ကောင်မလေးရယ်
အချစ်ဆိုတာ...
ဥသြဆွဲရုံ နဲ့ လုံလောက်တဲ့ မီးပေါ့ဆမှုမျိုး မဟုတ်ဘူးကွယ့်
ခုတော့ ... ... ကော်ဖီစွဲသလိုမျိုး စွဲမိပေါ့ ။

ကောင်မလေးရယ်...
မိုးသက်မုန်တိုင်း မှ မဟုတ်ပါဘူး ၊
လေညှင်းတွေမှာလည်း
သစ်ရွက်တွေ ခူးဆွတ်ခွင့် ရထားကြတာပဲ မဟုတ်လား
အဆုံးတော့ ..... ..... ....
(စိတ်ရောကိုယ်ပါ ကြွေကျဖို့ - - - -)
လေတိုးသံလေးကို ရင်တစ်ထိတ်ထိတ်နဲ့ စောင့်မျှော်နေရတဲ့
သစ်ရွက်ဝါလေးဟာ ကိုယ်များလား... ... ... ...။ ။
- စိုးလှိုက်ဦး -